Jhilmilati chandni ne badkar
Rakha jo kadam jameen par
Bikhar gayi ek syaahi neeli
Maine do ghoont aur pi li
Taare bhi ab lagte sapne
Kal tak jo the mere apne
Fir kyun aj dushmani kar li
Maine do ghoont aur pi li
Jugnu bhi khone ke darr se
Nikla nahi hai apne ghar se
Sannate ne karvat badal li
Maine do ghoont aur pi li
Arzoo jiski woh roshni thi
Kismat ne lekin raat likh di
Haskar fir bhi haami bhar di
Maine do ghoont aur pi li
dheere dheere tu pro bante ja raha hai beta.
ReplyDelete